રેખ્તા
હિન્દવી
સૂફીનામા
રાજસ્થાની
પડછાયો
paDchhayo
પ્રવીણ ગઢવી
પ્રવીણ ગઢવી
‘O, Wood Cutter,
Cut my Shadow.'
હિન્દુ બનું
બુદ્ધ બનું
મુસલમાન બનું
આ પડછાયો કપાતો નથી,
મારાથી.
કુલડી ગઈ
સાવરણી ગઈ
આ પડછાયો છૂટતો નથી
મારાથી.
નામ બદલું
કામ બદલું
ઠામ બદલું
જાત બદલું
આ પડછાયો છોડતો નથી.
ભાષા બદલું
વેશ બદલું
ઇતિહાસ બદલું
આ પડછાયો તૂટતો નથી.
સ્મૃતિ રહ્યું
બંધારણ રચું
કાયદા કરું
થાપણ બનું
કોઈ કાળે આ પડછાયો ભૂંસાતો નથી.
‘O, Wood Cutter,
Cut my Shadow.'
રસપ્રદ તથ્યો
અંગ્રેજી ભાષામાં છે એ સ્પૅનિશ કવિ લૉર્કાની પંક્તિ છે
સ્રોત
- પુસ્તક : વીસમી સદીની ગુજરાતી કાવ્યમુદ્રા (પૃષ્ઠ ક્રમાંક 347)
- સંપાદક : ચન્દ્રકાન્ત શેઠ, યોગેશ જોષી, હર્ષ બ્રહ્મભટ્ટ, ઊર્મિલા ઠાકર
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2007