રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
માતૃભાષા
matribhasha
પન્ના નાયક
પન્ના નાયક
આપણને
જે ભાષામાં સપનાં આવે
એ
આપણી માતૃભાષા. મને
હજીય ફિલાડેલ્ફિયામાં
સપનાં
ગુજરાતીમાં આવે છે. પણ
મારી આસપાસના
ગુજરાતીઓ
ઉમાશંકરની છબી જોઈને
સતત પૂછ્યા કરે છે : ‘આ કોની છબી છે?’
અને
મારું સપનું નંદવાઈ જાય છે. (સપનાંના હૈયાને નંદવામાં વાર શી?)
સ્રોત
- પુસ્તક : ચેરી બ્લોસમ્સ (પૃષ્ઠ ક્રમાંક 58)
- સર્જક : પન્ના નાયક
- પ્રકાશક : ઇમેજ પબ્લિકેશન્સ
- વર્ષ : 2004