રેખ્તા
હિન્દવી
સૂફીનામા
રાજસ્થાની
મારો વિદ્રોહ
maaro vidroh
યોગેશ વૈદ્ય
યોગેશ વૈદ્ય
કેસૂડાં પાસેથી શીખ્યો છું
હું આ વિદ્રોહની ભાષા.
શીખ્યો છું કે
દ્રોહ કર્યા વગર પણ
કરી શકાય છે વિદ્રોહ.
એક નાનકડા આત્મવિસ્ફોટથી પણ
બદલી શકાય છે
આખા જંગલની તાસીર.
દાઝ્યા કે દઝાડ્યા વગર પણ
લગાડી શકાય છે
વન વગડામાં આગ
સ્રોત
- પુસ્તક : ભટ્ટખડકી (પૃષ્ઠ ક્રમાંક 41)
- સર્જક : યોગેશ વૈદ્ય
- પ્રકાશક : ઝેન ઓપસ
- વર્ષ : 2023