રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

વળાવી આવ્યો તો....

ભરત ત્રિવેદી

વળાવી આવ્યો તો....

ભરત ત્રિવેદી

સાસરિયામાં વળાવેલી દીકરી

ઓચિંતી ઘેર પાછી આવે

ને જે દુખ થાય

તેથીય વિશેષ દુખ તેને

તેની પરત થયેલી કવિતા જોઈને થયું

ટપાલીને હડસેલી મૂક્યો

ચશ્માંનાં કાચ લૂછતો, હીબકાં ભરતો...

બારણું એવું તો જોરથી વાસ્યું કે

છત પર કાન માંડીને બેઠેલી ગરોળી પણ

ફરસ પર આવી પડી

બારીમાંથી ઊગેલા સૂર્યને

એક એવો તો મુક્કો માર્યો,

કે તે ક્ષિતિજ સુધી ફૂલબૉલની જેમ

ફંગોળાઈ ગયો

આંગણામાંના ઝાડને એવી તો રીતે જોયું કે

બાપડું હોટેલના વેઇટરની જેમ

નતમસ્તક ઊભું રહી ગયું

આકાશને પણ એક મુક્કો માર્યો એવો કે

તગારામાં પડે તો ગોબો પડી ગયો

નદીએ જઈ એવું મૂતર્યો કે

નદીમાં પૂર આવી ગયાં

કવિતા પરત આવે ત્યારે બધું બનતું હોય છે!

સ્રોત

પુસ્તક : શેરીઓ લંબાઈ છે મારા ઘર તરફ (પૃષ્ઠ ક્રમાંક 43)
સર્જક : ભરત ત્રિવેદી
પ્રકાશક : ગાર્ડી રિસર્ચ ઇન્સ્ટિટ્યૂટ ફોર ડાયસ્પોરા સ્ટડીઝ
વર્ષ : 2020