રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ખચ્ લઇને
khach laine
સુધીર દેસાઈ
સુધીર દેસાઈ
એક ટુકડો કાપી લઉં છું
ધારદાર છરીથી
મારી આસપાસ પ્રસરેલી રાત્રીનો.
બેસી જાઉં છું કામ કરવા
તીક્ષ્ણ હથિયાર લઈને
કોતરવા, એ ટૂકડાને
સવાર સુધી.
રાતભરની મહેનતને અંતે
રચાએલી એ
જાળી જેવી આકૃતિમાંથી,
ડોકિયાં કરી જાય છે કેટલાંક
એ જાળી જેવી આકૃતિમાંથી
દેખાતા વિશ્વને
કેટલાંક કવિતા કહે છે.
સ્રોત
- પુસ્તક : ગુજરાતી ઊર્મિકાવ્યો (પૃષ્ઠ ક્રમાંક 110)
- સંપાદક : જયન્ત પાઠક, રમણલાલ પાઠક
- પ્રકાશક : આદર્શ પ્રકાશન
- વર્ષ : 1983