રેખ્તા
હિન્દવી
સૂફીનામા
રાજસ્થાની
કંકુ
kanku
પન્ના નાયક
પન્ના નાયક
Oh, mommy! see her forehead is bleeding! અમેરિકન બાળકની
આ
નિર્દોષ ટકોર સાંભળી
કપાળે હાથ મૂકી દઉં છું…મારી ખુલ્લી હથેળીમાં
કંકુ જોઈ
મને મારું સૌભાગ્ય સ્પર્શી જાય છે…હમણાં જ મળેલાં
મને પ્રેમથી ભેટેલા
મધર ટેરેસા યાદ આવી જાય છે. આશીર્વાદ આપવા
કે
પરમાર્થ કરવા અશક્તિમાન
મારા હાથને સંતાડી રાખવા
હું મુઠ્ઠી વાળી દઉં છું
અને
મારા જ ભિડાયેલા નહોરથી
હથેળીનું કંકુ
રક્ત થઈ
ટપકવા માંડે છે…!
સ્રોત
- પુસ્તક : અરસપરસ (પૃષ્ઠ ક્રમાંક 31)
- સર્જક : પન્ના નાયક
- પ્રકાશક : શ્રીમતી નાથીબાઈ દામોદર ઠાકરસી મહિલા વિદ્યાપીઠ
- વર્ષ : 1989