કહી દે ધર્મગુરુઓને

કહી દે ધર્મગુરુઓને

કહી દે ધર્મગુરુઓને

કે હવે બંધ કરે પ્રવચન,

કોઈ સાંભળતું નથી

નક્કી આજે પૃથ્વીનો વિનાશ હોવો જોઈએ.

કદી દે મૌલવીઓને ય,

હવે બંધ કરે બંદગી,

કોઈ સાંભળતું નથી

નક્કી આજે કયામતનો દિવસ હોવો જોઈએ.

કહી દે પેલા પાદરીઓને પણ

હવે બંધ કરે પ્રાર્થના,

કોઈ સાંભળતું નથી

નક્કી આજે પ્રલયનો દિવસ હોવો જોઈએ

હે પ્રિય,

કાલે કદાચ હું ન હોઉં

મને એનો અફસોસ નથી.

કાલે કદાચ તું પણ ન હોય,

મને એનો ય અફસોસ નથી

પણ આવતી કાલે

હું જન્મીશ આદમ તરીકે

ને તું જન્મ લેજે ઇવ તરીકે

ને પછી આપણે રચીશું

સૃષ્ટિ

તદ્દન નિરાળી.

kahi de dharmaguruone