જ્યારે હું નથી હોતી

જ્યારે હું નથી હોતી

મનના ક્યા અંધારિયા, સૂના ખૂણે

સંતાડી રાખે છે તું મને

જ્યારે હું નથી હોતી?

કયા ચીંદરડાંઓમાં લપેટીને રાખે છે

તું મને

કેટલા ખરબચડા

કેટલા રંગરંગીન

શું એમાંથી આવે છે મારી સુગંધ

જ્યારે હું નથી હોતી?

કેટલી વાર કાઢીને બહાર ચૂપકીથી

રાતના એકાંતમાં

બસ ખેરખબર પૂછવા ખાતર

તું હથેળીમાં લઈ ઝાંખે છે મને

જ્યારે હું નથી હોતી?

કેટલી વાર લઈને ચાંપે છે

હૃદયની લગોલગ મને

પંપાળીને મલકે છે તું

કહે, કઈ રીતે મને પ્રેમ કરે છે તું

જ્યારે હું નથી હોતી?

jyare hun nathi hoti