![](https://rekhtagujarati.org/Images/Shayar/round/9d083e2c-3f1a-4282-9522-5e11d57e0281.png)
ઢીંચણ પર માખી બેઠી ને
મને રડવું આવ્યું;
હે... તું કેટલાં બધાં વર્ષો પછી
પાછી આવી?
મારા ઢીંચણ કૂવાના ટોડલા જેવા સૂકાભઠ
એની પર
કોઈનોય સ્પર્શ થતો ન’તો.
ચરામાં દર્ભ ઊગતો, સૂકઈ જતો, તૃણ તૃણ થઈ
ઊડી જતો.
ઝાડ પર બાચકો પોપટ બેસતા
અને ખરી જતા
પણ મારા ઢીંચણ તો સાવ ઊંડી વાવ જેવા ખાલી ખાલી
આજે ઢીંચણ પર દિવાળી બેઠી છે!
મને થાય છે:
ચોકની માટીમાં રગડપગડ આળોટું
પણ
હે...તું કેટલાં બધાં વર્ષો પછી
પાછી આવી?
આજે કામ બામ નથી કરવું,
માખી ઊડી જશે તે પછી હું
મારા ઢીંચણને ચબ્બક ચબ્બક ધાવીશ.
બગીચામાંથી સૂર્યમુખીનું ફૂલ ચૂંટીને
એના પર મૂકીશ.
આ પૃથ્વી પરની
એક માખીને પણ
મારો ઢીંચણ મીઠો લાગે
પછી મને કેમ રડવું ન આવે?
Dhinchan par makhi bethi ne
mane raDawun awyun;
he tun ketlan badhan warsho pachhi
pachhi awi?
mara Dhinchan kuwana toDla jewa sukabhath
eni par
koinoy sparsh thato na’to
charaman darbh ugto, suki jato, trin trin thai
uDi jato
jhaD par bachko popat besta
ane khari jata
pan mara Dhinchan to saw unDi waw jewa khali khali
aje Dhinchan par diwali bethi chhe!
mane thay chheh
chokni matiman ragaDapgaD alotun
pan
he tun ketlan badhan warsho pachhi
pachhi awi?
aje kaam baam nathi karawun,
makhi uDi jashe te pachhi hun
mara Dhinchanne chabbak chabbak dhawish
bagichamanthi suryamukhinun phool chuntine
ena par mukish
a prithwi parni
ek makhine pan
maro Dhinchan mitho lage
pachhi mane kem raDawun na aawe?
Dhinchan par makhi bethi ne
mane raDawun awyun;
he tun ketlan badhan warsho pachhi
pachhi awi?
mara Dhinchan kuwana toDla jewa sukabhath
eni par
koinoy sparsh thato na’to
charaman darbh ugto, suki jato, trin trin thai
uDi jato
jhaD par bachko popat besta
ane khari jata
pan mara Dhinchan to saw unDi waw jewa khali khali
aje Dhinchan par diwali bethi chhe!
mane thay chheh
chokni matiman ragaDapgaD alotun
pan
he tun ketlan badhan warsho pachhi
pachhi awi?
aje kaam baam nathi karawun,
makhi uDi jashe te pachhi hun
mara Dhinchanne chabbak chabbak dhawish
bagichamanthi suryamukhinun phool chuntine
ena par mukish
a prithwi parni
ek makhine pan
maro Dhinchan mitho lage
pachhi mane kem raDawun na aawe?
![](/images/dot_seperator.png)
![](/images/dot_seperator.png)
![](/images/dot_seperator.png)
સ્રોત
- પુસ્તક : અંગત (પૃષ્ઠ ક્રમાંક 53)
- સર્જક : રાવજી પટેલ
- પ્રકાશક : આર. આર. શેઠની કંપની
- વર્ષ : 1982
- આવૃત્તિ : 2