રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

ખારાઘોડા-1 / અગરિયા

નિખિલ ખારોડ

ખારાઘોડા-1 / અગરિયા

નિખિલ ખારોડ

Roman

નથી ઊછળતા તરંગો

નથી ઘૂઘવતા દરિયા અહીં

નથી મુલાયમ રેતી કે

નથી કિનારો.

સીમ રેતાળ ફલક પર

ફફડી રહ્યાં

કંતાન ઢાંક્યાં

ઝૂંપડાં

છૂટાંછવાયાં.

સોંસરવી ઊતરી ગઈ છે ખારાશ

ને થઈ જમા

જમીનના પેટાળમાં.

ઊંડે ઊંડે ખોદીને

ઉલેચે પાણી બધાં.

બહાર કાઢીને

કેટલુંક પીવે

કેટલુંક પાથરે

તે તડકે તપે

કાળામસ દેહો

ત્યારે બાઝે

ક્ષારની પોપડી

ચામડી પર, જમીન પર.

સ્રોત

પુસ્તક : ‘કિમ્ અધુના?’ (પૃષ્ઠ ક્રમાંક 89)
સર્જક : નિખિલ ખારોડ
પ્રકાશક : પોતે
વર્ષ : 1993