રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
શંકર પેઇન્ટર
અલ્યા શઉકારો,
એક તો તમારું શેતર શેઢું
બળધીયું મર ઈન્ય તોંણું
કોહ ફાટ્ટ તાંણ થીંગડું દઉં
તમારી બાયડીની સપાટો અને જોડા હાંધુ!
દાડીયો થઈનેય્ તમન દોંણા ભેળા કરૂં
હારૂં લગાડવા ઈમણીમય
તમારી ભૈંઠ વગરની વાતમાં
હી...હી...હી...કરૂં
હોમા આવો, એટલ્ અવળો ફરીને આઘો ખહું.
તમન્ માશો બમણેલાનય્ ઘણા માંનથી બોલાવું!
પાસો,
તમારાથી બીયઈન્ મ્હાંય મૂતરી જઉં!
મારા ભઈલાંનો એક નંબરનો દશમન થૈ
અમારી માંયલી વાતો તમન્ પરોણે આલી જઉં!
તોય પેલા દાડે,
મુંયે કદીય ના ભાળેલી અનોમત
– એ તો કાળી-ગોરી, જાડી-પાતળી, લોંબી ટૂંકી
ખબર નહીં!
એવી અજબગજબની અનામતો હળગાવવા/હટાવવા
તમારા વકરી જેલા વાંદરાઓન્
ફૂલવાડામાં મોકલતઅ
તમન્ લગીરેય્ શરમ નાયી
ભઠ્ઠ પડ્યો ‘લ્યા,
તમારી બુનના ઘણીઓ તમોનઅ!
સ્રોત
- પુસ્તક : હાચ્ચે હાચ્ચુ, બોલનઅ ફાડ્યા? (પૃષ્ઠ ક્રમાંક 79)
- સર્જક : શંકર પેન્ટર
- પ્રકાશક : ગુજરાતી દલિત સાહિત્ય પ્રતિષ્ઠાન
- વર્ષ : 2010