રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
લારીને આગળ ધકેલીએ
larine aagal dhakeliye
અરવિંદ વેગડા
અરવિંદ વેગડા
હળવેથી,
ચાલ, ધની! લારીને આગળ ધકેલીએ,
જીવતરના માળામાં બેઠેલી ગૂંચને ઉકેલીએ.
કંતાનમાં ઢાંકેલા રોટલાના ટૂકડામાં
ફળફળતા ફોલ્લાના ડાઘા
લીલાંછમ્મ ઓરતાને અંધારું આપીને
ભીતરથી હડસેલે આઘા
કમખાના આયનામાં વણજોયાં સપનાંને ભરીએ.
જીવતરના માળામાં બેઠેલી ગૂંચને ઉકેલીએ.
ઉન્નાળો, કડકડતી ઠંડી ને વરસાદી
મોસમના ખાધેલા ચાબખા
વસ્તરમાં સાચવીને કાઢી લે જન્મારો
ઢાળ કદી હોય તોય લાગે છે આંચકા
ઓણસાલ દીકરીનું હૈયું ય ઉકેલીએ,
ચાલ, ધની લારીને આગળ ધકેલીએ...
જીવતરના માળામાં બેઠેલી ગૂંચને ઉકેલીએ.
સ્રોત
- પુસ્તક : ઝિબ્રા ક્રોસિંગ
- સર્જક : અરવિંદ વેગડા