વણલખાયેલી કવિતા

વણલખાયેલી કવિતા

હું એક કવિતા છું

જેને હજુ કોઈએ લખી નથી.

મેં ઘણા કવિઓની આંગળીનાં ટેરવાં સુધીની

મજલ ખેડી છે

પણ અભિવ્યક્તિ ન પામેલા પ્રેમની જેમ

સપનામાં પીછેહઠ કરી છે

કારણ કે મારી કોઈ લિપિ નહોતી.

એમાં ભવિષ્યકાળ છે ત્યાં સુધી

મને ભાષાનો કોઈ ભય નથી.

એક દિવસ મને મારા શબ્દો જડી જશે :

અચંબાભર્યો બાળક જોશે

કોઈ સઢને ખૂલી જતાં

અને હળવેથી જાગશે

કોરા કાગળ પર

નવા જ તારા હેઠળ.

(અનુ. કમલ વોરા)

vanlakhayeli kavitaa