રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ઝાડની ડાળીએ ઝૂલ્યાં
zadni dalia zuliya
રેખા ભટ્ટ
રેખા ભટ્ટ
અમે ઝાડની ડાળીએ ઝૂલ્યાં,
કે ઝાડ જરી લીલું થયું,
અમે તાળી લઈ-દઈ ખીલ્યાં
કે પંખીનું ટોળું થયું...
અમે થોડું ચડ્યાં’ને ઊતર્યાં,
કે ઝરણું દડતું થયું.
અમે નીર નદીનાં ઉછાળ્યાં
કે પાણીને હસવું ચડ્યુ.
અમે કિલકારી કરી-કરી કૂદ્યાં
કે આભને ઝૂકવું પડ્યું,
અમે મૂકીને મનડું નાચ્યાં
કે વાદળું વરસી પડ્યું...
અમે મીઠાંમધુર ગીત ગાયાં,
કે ચંદાને ઊગવું પડ્યું,
અમે એવાં મસ્તીમાં ઝૂમ્યાં,
કે આભલું ઝળહળ્યું.
સ્રોત
- પુસ્તક : ઝગમગ ઝગમગ તારા (પૃષ્ઠ ક્રમાંક 4)
- સર્જક : રેખા ભટ્ટ
- પ્રકાશક : રન્નાદે પ્રકાશન
- વર્ષ : 2024