રેખ્તા
હિન્દવી
સૂફીનામા
રાજસ્થાની
બહેનડી મારી
bahenDi mari
ભાનુશંકર પંડ્યા
ભાનુશંકર પંડ્યા
(ઢાળ : ‘મેંદી લેશું, મેંદી લેશું’ જેવો)
રાતની રાણી,
રાતની રાણી,
મહેકે મારે બાગ,
નાનકડો એનો છોડ તો જાણે વાસ તણો ભંડાર;
રસીલી રાતની રાણી રે,
રાતની રાણી રે.
વીજળી ચમકે,
વીજળી ઝબકે,
ઊંચે આભઆવાસ.
એક જ એના ઝબકારમાં પ્રગટે નભવિસ્તાર;
વીજળી તેજની રાણી રે,
તેજની રાણી રે.
બહેનડી મારી,
બહેનડી નાની,
રેલતી મીઠું હાસ,
મધભર્યા એના બોલથી ઊડે આંગણિયે ઉલ્લાસ;
બહેનડી હાસની દેવી રે,
હાસની દેવી રે.
સ્રોત
- પુસ્તક : ગીતરાણી (પૃષ્ઠ ક્રમાંક 26)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945