રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
અમે રમકડાં
ame ramakDan
ચંદ્રવદન મહેતા
ચંદ્રવદન મહેતા
અમે રમકડાં, અમે રમકડાં,
પડઘમચી ને વાનરભાઈ;
ગામની ગાયો, ડાહીનો ઘોડો,
બંદુકવાળો બનું સિપાઈ!
સિંહ ને સસલું, મોરલો, મરઘી,
બબલો ને વળી બબલીબાઈ;
ઘર ઘર જાશું, ઘર ઘર ફરશું,
રમ્મત ગમ્મત નવી નવાઈ!
મજા મજા છે, એવી મજા છે,
કેવી મજા કે વાત નહિ;
ધીંગમ ધીંગા, કૂદમ કૂદા
આજ દિવસ કે રાત નહિ.
ખાશુ, પીશું, મજા કરીશું,
અમને કંઈ પંચાત નહિ;
બાળક સાથે દોસ્તી બાંધી
આકાશે નિત ઊડશું કહી.
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 40)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ