રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સસ્સો-સસ્સી
sasso sassi
યશવંત કડીકર
યશવંત કડીકર
શિયાળામાં શાલ ઓઢીને
ચાલ્યા સસ્સા રાણા
બનારસી સેલામાં સજ્જ થઈ
ચાલ્યાં સસ્સી રાણી
ભાજી-પાઉં ભરપેટ જમીને
સસ્સો-સસ્સી ચાલ્યાં
ભાડાની રિક્ષામાં બેસી
શહેર આખુંયે મ્હાલ્યાં
રિક્ષામાં ઘૂમતાં બેઉને
જોઈ ગઈ એક બિલાડી
કૂતરાને જઈ વાત કરી
એણે કેવી શાણી શાણી
કૂતરાએ ઝાપટ મારી ત્યાં
ભાગ્યા સસ્સા રાણા
બીકનાં માર્યાં ‘માડી માડી’
કહેતાં સસ્સી રાણી.
સ્રોત
- પુસ્તક : મઘમઘાટ (પૃષ્ઠ ક્રમાંક 58)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982