રેખ્તા
હિન્દવી
સૂફીનામા
રાજસ્થાની
પ્રભુ આંગળીએ વળગાડી
અમને પંથ ખરો બતલાવો.
ખરબચડા મારગ પર
અમને ડગલાં ધીરે ભરાવો!
અંધારે અટવાઈએ તો
સહાય અમારી કરજો,
હેત કરીને પંથ પ્રભુજી,
પ્રકાશનો પાથરજો!
વસંતની ખીલતી કળીઓ સમ
જીવન અમ વિકસાવો.
ફૂલડાંની ફોરમ શી ઉરની
સૌરભ પ્રભુ, પમરાવો!
સત્ય, અહિંસા, પ્રેમ પઢાવી
કાયરતા અમ કાપો.
જ્ઞાન ભક્તિનાં મોંઘાં પ્રભુજી,
દાન અમૂલખ આપો!
સ્રોત
- પુસ્તક : મઘમઘાટ (પૃષ્ઠ ક્રમાંક 62)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982