રેખ્તા
હિન્દવી
સૂફીનામા
રાજસ્થાની
વસંત
wasant
વસન્ત નાયક
વસન્ત નાયક
ચાલોને બાળકો નાચીએ ને કૂદીએ
ઋતુ વસંતનો રસ લૂંટીએ;
આવી વસંત ને લાવી સુંદરતા
જળ ઝરણાનાં ખળ ખળ વહે.
ઝાડ, પાન, ફૂલ, ફળ ખીલે ને ઝૂલે
ઊડે પતંગિયાં ભમર ગુંજે;
આંબાની ડાળે મહેકે છે મોર બહુ
કોયલરાણી મીઠાં કૂજન કરે.
મોરલા કળા કરી ટહુકે ને નાચે
આપણાં યે હૈયાં નાચી રહે;
ચાલોને બાળકો નાચીએ ને કૂદીએ
ઋતુ વસંતનો રસ લૂંટીએ.
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 54)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ