રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પંખો, પવન ને પતંગિયું
Pankho, pavan ne patangiyu
હર્ષદ ચંદારાણા
હર્ષદ ચંદારાણા
એક દિવસ આ પંખો બોલ્યો
કાન ધર્યા ને કમરો ડોલ્યો
હું છું ભૈ પવનોનો રાજા
ઝટ આવે, જ્યાં કહું કે : આ જા
મારી આણને માને સૌ
હું ન હોઉં તો ગરમી બૌ
પવન કહે નંબર વન હું
હું ન હોઉં તો તું છે શું?
ફેરા ફરી તું ક્યાંય ન જાય
મારા ગુણ તો દુનિયા ગાય!
મારે કારણ તારો વટ
મારે કાજ તું લટકે છત
પતંગિયું, આ છોડી વગડો
આવી કહે કે મિત્ર ન ઝઘડો
પંખો પાંખો ખૂબ દોડાવે
તને પવન કેવો ફેલાવે
પવન આવે તો પંખો રાજી
કામ તો જ છે એનું, હાજી
હું પંખાની પાંખે બેસું
ગાઉં પવનમાં કરતો ટેસું
કોઈ નથી કોઈનું માલિક મળ-હળી રહીએ તો ઠીક
બાળ-મિત્રો વાત છે સાચી સૌ સંપીને રહેજો રાજી
૧-૯-૧૯૯૭
સ્રોત
- પુસ્તક : પંખો, પવન ને પતંગિયું (પૃષ્ઠ ક્રમાંક 25)
- સર્જક : હર્ષદ ચંદારાણા
- પ્રકાશક : રંગદ્વાર પ્રકાશન
- વર્ષ : 2002