રેખ્તા
હિન્દવી
સૂફીનામા
રાજસ્થાની
પતંગિયાને
patangiyaane
પૂજાલાલ દલવાડી
પૂજાલાલ દલવાડી
પતંગિયાને
આંગળી અડાડતો ન ભાઈ!
પતંગિયાને આંગળી અડાડતો ન ભાઈ!
નર્યું નાજુક છે એ નાનું,
મીઠડું મીઠડું મજાનું,
એને નાહક સતાવતો ન ભાઈ! –પતંગિયાને...
ફૂલેથી ફૂલે ફરી ફરીને
છે બેઠું જોને જરા એ ઠરીને,
કેવું લાગે છે એ દેવતાઈ! –પતંગિયાને...
ભલી ભોળી છે શી આંખ!
રંગ રંગ રૂપાળી પાંખ!
રૂડા રંગોની છાંટ શી છવાઈ! –પતંગિયાને...
એને અંગે રજોટી
છે મખમલી શી ચોટી,
એને લૂછવા જતો ન લલચાઈ! –પતંગિયાને...
મીટ માંડી એ મેર
રાચ આનંદભેર,
પ્રેમે જોતો રહે તું પુલકાઈ! –પતંગિયાને...
લાગે છે એ વહાલું
કોડીલું કાલું કાલું,
એની સાથે છે સ્નેહની સગાઈ! –પતંગિયાને...
સ્રોત
- પુસ્તક : બાલ ગુર્જરી (પૃષ્ઠ ક્રમાંક 53)
- સર્જક : પૂજાલાલ દલવાડી
- પ્રકાશક : શ્રી અરવિંદ આશ્રમ, પોંડિચેરી
- વર્ષ : 1980