રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ભાઈ અમારા
bhai amara
હરિકૃષ્ણ પાઠક
હરિકૃષ્ણ પાઠક
અલપ ઝલપ અલબેલાં પાન
ભાઈ અમારા ભીને વાન.
રોજ લપેડા આંજે મેશ
તોય નહીં દેખાતી લેશ.
રંગ રંગના વાઘા ધરે
ફૂલ્યા ફૂલ્યા મનમાં ફરે.
ભણવામાં છે નંબર એક
જમણે નહિ : ડાબેથી છેક.
ગાય એવડાં મીઠાં ગીત
સાંભળનારાં પળમાં ચિત.
ધરે કામમાં એવી ખંત
કદી ન આવે એનો અંત.
અલપ ઝલપ અલબેલાં પાન
ભાઈ અમારા ભીને વાન.
સ્રોત
- પુસ્તક : મઘમઘાટ (પૃષ્ઠ ક્રમાંક 36)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982