રેખ્તા
હિન્દવી
સૂફીનામા
રાજસ્થાની
નાનાં નાનાં બાળકો ને નાનાં નાનાં ફૂલ!
ઓ વહાલાં! કોઈ કહેશો કે કોનાં વધુ મૂલ?
નાનાં નાનાં બાળકો આશા-કિરણનાં કુળ!
નાનાં નાનાં ફૂલડાં તો રૂમઝૂમતાં રસમૂલ!
નાનાં નાનાં બાળકોનાં હસવાં ઉર ઉછાળ!
નાનાં નાનાં ફૂલડાંના લલિત મધુરા ઢાળ!
નાનાં નાનાં બાળકો નવરંગી બાલવસંત!
નાનાં નાનાં ફૂલડાં તો સોળ કળાયલ ચંદ્ર!
નાનાં નાનાં બાળકો ને નાનાં નાનાં ફૂલ!
ઓ વહાલાં! બસ! કહો બનું ક્યમ તમને અનુકૂળ?
સ્રોત
- પુસ્તક : ગીતરાણી (પૃષ્ઠ ક્રમાંક 2)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945