રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કૂકડે કૂક
kukDe kook
મૂળજીભાઈ ભક્ત
મૂળજીભાઈ ભક્ત
કૂકડે કૂક, કૂકડે કૂક બોલે છે કૂકડો!
જાગો હા લોક, બોલે છે કૂકડો!
આભને આરે
ધરતીની ધારે
વહેલી સવારે
જો પેલો સૂરજ ઊગે, જો પેલો સૂરજ ઊગે!
કિરણસેર છૂટે
કે તેજધાર ફૂટે
નીંદર સૌની ખૂટે
અંધારાં મારગ મૂકે, અંધારાં મારગ મૂકે!
લાલ રંગ છાયા
ગુલાલ રંગ છાયા
સોનેરી રંગ છાયા
ચમકતી કાયા
આકાશની કેવી લાગે, આકાશની કેવી લાગે!
હું યે જોતો’તો
બેની જોતી’તી
આંખો મીંચાતી મારી આંખો મીંચાતી!
ભાઈ ને બહેન અમે હસી પડ્યાં!
હસી પડ્યાં ને પછી ભેટી પડ્યાં!
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 29)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ