રેખ્તા
હિન્દવી
સૂફીનામા
રાજસ્થાની
કૂચ
kooch
અવિનાશ વ્યાસ
અવિનાશ વ્યાસ
ધમ ધમક ધમ,
ધમ ધમક ધમ,
પડઘમ વાગે.
બાળકોની સેના કરે કૂચ આઘે.
ધમ ધમક ધમ,
આજનો છે બાળ થશે કાલનો કુમાર,
પરમ દિવસ થશે જગત કેરો નવજુવાન.
ધમ ધમક ધમ
હે....દમ બદમ કદમ કદમ
હિંમતથી પગ ભરો
કૂચ કરો,
કૂચ કરો,
કૂચ કરો કરો.
ધમ ધમક ધમ,
ધમ ધમક ધમ,
બાળ જાગે દેશ કેરી દાઝ ધરી આઘે આઘે,
નવલ યુગ કેરી ઝંખનામાં એનું દિલ લાગે.
ધમ ધમક ધમ,
ધમ ધમક ધમ,
પડઘમ વાગે.
સ્રોત
- પુસ્તક : ગીતરાણી (પૃષ્ઠ ક્રમાંક 62)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945