રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મારું નામ
marun naam
હર્ષદ ચંદારાણા
હર્ષદ ચંદારાણા
મારું નામ વિપાશા છે પણ મમ્મી કહે ઝરણું
દોડાદોડી કર્યાં કરું તો પપ્પા કહે છે હરણું
ખિલખિલખિલખિલ હસ્યા કરું તો કાકા કહે ખિસકોલી
નવાં-નવાં કપડાં જો પહેરું, મામા કહે રંગોલી
વાત કરું જ્યાં ઝાઝી ત્યાં તો માસી કહેતી કાબર
ઝઘડો કરું છું ખોટ્ટો તો પણ ભાઈ કહે તો બંદર
લાદી પર હું આળોટું તો દાદી કહે માછલડી
ગીતો ગાતી ફર્યા કરું તો દાદા કહે કોયલડી
૨૫-૧૦-૧૯૯૭
સ્રોત
- પુસ્તક : પંખો, પવન ને પતંગિયું (પૃષ્ઠ ક્રમાંક 27)
- સર્જક : હર્ષદ ચંદારાણા
- પ્રકાશક : રંગદ્વાર પ્રકાશન
- વર્ષ : 2002