રેખ્તા
હિન્દવી
સૂફીનામા
રાજસ્થાની
ગામડું
gamaDun
મૂળજીભાઈ પી. શાહ
મૂળજીભાઈ પી. શાહ
ગામડું મારું કેવું રળિયામણું;
ગામડે અંબાની વાવ:
ગામડે નાનું તળાવ:
ગામડું મારું કેવું રળિયામણું.
ગામડે મારે ગાયો સોહામણી;
ગામડે દૂધ ને છાશ:
ગામડે જીવન-મીઠાશ:
ગામડું મારું કેવું રળિયામણું.
ગામડે મારે દાદાના ડાયરા;
ડાયરે વીરોના વાસ:
ડાયરે શૂરાના રાસ:
ગામડું મારું કેવું રળિયામણું.
ગામડે મારાં ફૂલડાંની વાડીઓ;
ગામડે ખેતર સોહાય:
ગામડું એથી પોષાય:
ગામડું મારું કેવું રળિયામણું
ગામડે મારે ગાતી કોયલડી;
ગામડે પ્રભુના વાસ:
ગામડે અંતરના હાસ:
ગામડું મારું કેવું રળિયામણું.
સ્રોત
- પુસ્તક : ગીતરાણી (પૃષ્ઠ ક્રમાંક 47)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945