રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ઘૂઘરો
ghughro
ઝવેરચંદ મેઘાણી
ઝવેરચંદ મેઘાણી
ઘૂઘરો ઘૂમે છે બેનીબાના હાથમાં,
રાત દિ’ રમે છે રંગીલીના સાથમાં.
જાણે રમે વાડીમાં મોર
બેનીબાના ચિતડાનો ચોર
ઘૂઘરો ઘૂમે છે બેનીબાના હાથમાં.
*
ઘૂઘરો ઘૂમે છે બેનીબાને હોઠડે,
મીઠો મીઠો મોંમાં સંતાય
જાણે હંસ સરવરમાં નહાય
ઘૂઘરો ઘૂમે છે બેનીબાના હાથમાં.
*
ઘૂઘરાને વહાલી બેનીબાની આંગળી
જેવાં બાશું બાપુને વહાલ
જેવાં ભાઈ ભાભી હેતાળ
ઘૂઘરો ઘૂમે છે બેનીબાના હાથમાં.
*
ઘૂઘરાને ચૂસે ચારે પહોર બેનડી,
તોય કો દિ’ ખૂટ્યાં ન ખીર!
જાણે માન સરવરનાં નીર
ઘૂઘરો ઘૂમે છે બેનીબાના હાથમાં.
*
ઘૂઘરામાં ઘેરું ઘેરું એ શું ગાજતું,
ગાજે જેવાં ગેબીલાં ગાન
ચંદ્ર-સૂર્ય-તારાનાં તાન
ઘૂઘરો ઘૂમે છે બેનીબાના હાથમાં.
સ્રોત
- પુસ્તક : બાળગીતો- 2 (પૃષ્ઠ ક્રમાંક 51)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1978
- આવૃત્તિ : પુનર્મુદ્રણ