રેખ્તા
હિન્દવી
સૂફીનામા
રાજસ્થાની
તૈયાર રહો
taiyar raho
વસન્ત નાયક
વસન્ત નાયક
તૈયાર હો, હુશિયાર હો, લલકાર દો સૌ બાળકો!
ફરવા જવા, રમવા જવા, ઊડવા જવા તૈયાર હો.
દાદા ફરે છે પોળમાં
બાપા ફરે ભાગોળમાં
પણ આપણે ફરવા જવું વગડા વને, તૈયાર હો,
પંખી રમે છે ઝાડમાં
ઝરણાં રમે છે પહાડમાં
પણ આપણે રમવા જવું આકાશમાં, તૈયાર હો.
ઘોડી ઊભી છે વાટમાં
હોડી નદીના ઘાટમાં
પણ આપણે ઊડવા જવું વિમાનમાં, તૈયાર હો.
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 70)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ