રેખ્તા
હિન્દવી
સૂફીનામા
રાજસ્થાની
વીજલડી
wijalDi
ઉમિયાશંકર ઠાકર
ઉમિયાશંકર ઠાકર
(ઢાળ: શુદ્ધ બુદ્ધ સુંદર નિરંતર...)
ઝબકું અંધાર-ઘેર આભે વીજલડી,
આજે વીજલડી હું ઝબકું એકલડી.—ઝબકું.
ચમકારા શ્વેત શ્વેત વાંકડિયા-વેરતી,
નૂતન સંદેશ રસિક હૃદયે હું પ્રેરતી. —ઝબકું...
ઝરમરિયા ગીત-લ્હાવ માંહ્યે હું રેલું,
દુંદુભિનાદ માંહ્ય ખેલ નવીન ખેલું. —ઝબકું...
નાનકડી છું છતાંયે બલ અતુલ ધારું,
જ્યોતિ ઝબકાવું ઠેર ઠેર અતિ ચારુ. —ઝબકું...
ઝાડ તોડું, તાડ તોડું, પહાડને ય પાડું,
સ્પર્શે જો કોઈ તો તો સ્વર્ગે પહોંચાડું. —ઝબકું...
કૃષ્ણ કેરી બેનડી, હું આભે અલબેલડી,
બાલ-ખેલ ખેલડી પ્રભુ કાજે ઘેલડી. —ઝબકું...
સ્રોત
- પુસ્તક : ગીતરાણી (પૃષ્ઠ ક્રમાંક 19)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945