રેખ્તા
હિન્દવી
સૂફીનામા
રાજસ્થાની
આપણે સ્વદેશનાં સંતાન,
જગવીએ સ્વતંત્રતાનાં તાન!
જન્મ આપણો છેલ્લો જગમાં: વહીએ વર્તમાન,
ભવ્ય ભાવિનાં જોગવનારાં, ધરી અભયનું ભાન!
ઉષા-અરુણ બે બાળ, સૂર્યને વધાવતાં કરી નૃત્ય,
ફૂલડાં નાચે, રાસ રમે સૌ, બાળ બને કૃતકૃત્ય!
બનાવીએ બાળક સમ સૌને, ગજાવીએ સંગીત;
વહાલભરી વત્સલતામાં તો બાળકની છે જીત!
સ્રોત
- પુસ્તક : ગીતરાણી (પૃષ્ઠ ક્રમાંક 1)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945