રેખ્તા
હિન્દવી
સૂફીનામા
રાજસ્થાની
ભારતને નંદનવન કરવા રાત-દિવસ સહુ મંડો
ઊંચો રાખો ઝંડો
ગરવી ભોમ મળી છે મોટી,
અડતા આભે પ્હાડ;
કલકલ ભરભર વહે નદીઓ,
ડોલે દરિયાલાલ;
દુનિયાને મઘમઘતી કરવા અમે થશું રખવાળ
રાત-દિવસ.
કોણ ડરાવી શકશે અમને?
અમે સિંહનાં બાળ!
નવલું ભારત રચવા આજે
અમે ભરી છે ફાળ!
અમે એક રહી આગળ વધશું, ટાઢ હોય કે ઝાળ
રાત-દિવસ.
સ્રોત
- પુસ્તક : મઘમઘાટ (પૃષ્ઠ ક્રમાંક 34)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982