રેખ્તા
હિન્દવી
સૂફીનામા
રાજસ્થાની
જો તો ખરી
jo to khari
મૂળજીભાઈ ભક્ત
મૂળજીભાઈ ભક્ત
બા ઓ બા!
બા ઓ બા!
જરા જો તે ખરી, જરા જો તો ખરી
કાચનો કટકો જડ્યો
મને કાચનો કટકો જડ્યો!
•
બા ઓ બા!
બા ઓ બા!
જરા જો તો ખરી, જરા જો તો ખરી
મોરનું પીછું જડ્યું
મને મોરનું પીછું જડ્યું!
•
બા ઓ બા!
બા ઓ બા!
જરા જો તો ખરી, જરા જો તો ખરી
ફૂલની માળા કરી
મેં તો ફૂલની માળા કરી!
•
બા ઓ બા!
જરા જો તો ખરી, જરા જો તો ખરી
ભાઈને કંઠે ધરી
મેં તો ભાઈને કંઠે ધરી!
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 47)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ