રેખ્તા
હિન્દવી
સૂફીનામા
રાજસ્થાની
દરિયાને શી ખોટ ?
dariyane shi khot ?
કિરીટ ગોસ્વામી
કિરીટ ગોસ્વામી
દરિયાને શી ખોટ?
હૂ હૂ ગરજે મોજે-મોજાં,
ભરતી હો કે ઓટ !
આ દરિયાને શી ખોટ...?
ચાંદો એને પહેરાવે છે,
કદી રૂપાળાં વાવા !
તપી-તપીને સૂરજ ,
એને ઘેર આવતો ન્હાવા !
ખારો-ખારો તોયે નદીઓ-
મળવા મૂકતી દોટ !
આ દરિયાને શી ખોટ..?
પાણી પીને થાતાં વાદળ
કેવાં તાજાં -માજાં !
અઢળક મોતી મરજીવાને-
આપે દરિયા-રાજા !
મછલી-રાણી રાજ કરે;
પાણીનાં કિલ્લા-કોટ !
આ દરિયાને શી ખોટ..?
સ્રોત
- પુસ્તક : કવિ તરફથી મળેલી કૃતિ