રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
શાકવાળી
shakwali
અવિનાશ વ્યાસ
અવિનાશ વ્યાસ
લઈ લ્યો તાજી ભાજી લાવી, લઈ લ્યો તાજી ભાજી.
શાકવાળી આવી લાવી, લઈ લ્યો તાજી ભાજી.
રૂપિયે બશેર ભાજી, લઈ લ્યો તાજી ભાજી.
સૂરતી રતાળુ લાવી
લાવી સૂરતી પાપડી
મુંબઈનાં પંડોળાં લાવી, લઈ લ્યો તાજી ભાજી.
મૂળા લાવી મારવાડના
પરવળ લાવી વડોદરાના
ભરૂચના હું ભીંડા લાવી, લઈ લ્યો તાજી ભાજી.
બબલા માટે બોર લાવી ખાસ અમદાવાદથી,
તડબૂચ, ટેટી લાવી, હું તો લઈ લ્યો તાજી ભાજી.
ગવારફળી લાવી હું તો ફળીએ ફળીએ વેચવા,
ટામેટાં ટીંડોરા લાવી, લઈ લ્યો તાજી ભાજી.
દૂધી, તૂરિયાં, કાકડી, કડવા લાવી કારેલાં,
ચાલો બહેનો રીંગણાં લાવી, લઈ લ્યો તાજી ભાજી.
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 62)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ