રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મીંડું
minDun
કાન્તિ કડિયા
કાન્તિ કડિયા
હું ગોળ મજાનું મીંડું....
ચાંદો-સૂરજ ગોળ રૂપાળા
ગોળ ગોળ છે લાડુ,
ગોળ ગોળ છે પૈડાં સઘળાં
પૈડાં ખેંચે ગાડું.
પૂરી-જલેબી ગોળ ગોળ છે
ગોળ ગોળ છે ઈંડું,
હું ગોળ મજાનું મીંડું....
અંકનગરમાં હોઉં એકલું
કાંઈ ન કિંમત મારી,
કોઈ અંકની પાછળ આવું
થાયે કિંમત ભારી.
ગોળ ગોળ હું ખાંચ વિનાનું
ક્યાંય મળે ના છીંડું,
હું ગોળ મજાનું મીંડું....
સ્રોત
- પુસ્તક : મઘમઘાટ (પૃષ્ઠ ક્રમાંક 49)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982