રેખ્તા
હિન્દવી
સૂફીનામા
રાજસ્થાની
આંબો
aambo
મૂળસુખલાલ દીવાન
મૂળસુખલાલ દીવાન
એ! ઝોલે, જો! ડોલે
આંબો રૂપાળો મઝેદાર.
ઘેરી ઘટાની છાંય સૌને ગમે,
સાંજ ને સવાર પંખી પોઢે-રમે.
સળવળાટ, કળકળાટ, ગાજતા કિલકાર.....
ઝૂમખડે ઝૂલતો કેરીનો ફાલ,
રામજી પટેલ ઊભો પોતે રખેવાળ,
ઝાડ ઝૂડે, માલ મૂંડે, તાકે તકેદાર.......
પાકી કેરી તો બને મધની ઝોળી,
હોંસે બાલુડાં ચૂસે ઘોળી ઘોળી,
વરસોવરસ, રસની તરસ, છીપજે સરદાર.....
સ્રોત
- પુસ્તક : ગીતરાણી (પૃષ્ઠ ક્રમાંક 17)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945