રેખ્તા
હિન્દવી
સૂફીનામા
રાજસ્થાની
સૂરજ
suraj
શાંતિકુમાર પંડ્યા
શાંતિકુમાર પંડ્યા
લાલઘૂમ ગોળો,
ચમકતો ગોળો,
એને જોતાં મારી આંખો મીંચાય;
જો ને માડી કેવો લાગે!
સોનેરી થાળી જેવો,
અંગાર તેજ જેવો,
એનો જોતાં મારી આંખો ભીંજાય;
જો ને માડી કેવો લાગે!
ઊંચે જઈ આભે અડ્યો!
માડી! એને કેણે ઘડ્યો?
એની આંખમાંથી તણખા વેરાય;
જો ને માડી કેવો લાગે!
શીત જાય, શરદી જાય,
જો ને કેવી તડકી થાય!
એના તેજમાં બાલુડાં નહાય
જો ને માડી કેવો લાગે!
સ્રોત
- પુસ્તક : ગીતરાણી (પૃષ્ઠ ક્રમાંક 14)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945