રેખ્તા
હિન્દવી
સૂફીનામા
રાજસ્થાની
બાબાની વાત
babani wat
સુરેશ ગાંધી
સુરેશ ગાંધી
સોનેરીરૂપેરી રંગભરી વાદળીઓ
આકાશે ઊડી ઊડી જાય,
એવી એક વાદળી જો ઊતરે બા આંગણામાં
મનમાં બા એવું એવું થાય,
ખોળલામાં બેસીને સોનેરી વાદળીના
તારલાના દેશોમાં ઊપડે આ ભાઈ.
કહે ને બા જાણે તું તારલાના દેશોને,
પરીઓની વાત બધી વાંચી?
ચાંદમાં બેસીને ડોસલી જે વાત કહે,
કહે ને બા વાત બધી સાચી?
બા કહું છું ના મને આવે વિસવાસ નહિ,
જૂની એ વાત નથી સાચી,
કોક દીએ સોનેરી વાદળીઓ આવે ને,
બેસીને ઊડવાનું થાય!
તારા ને પરીઓ ને ચાંદાની ડોસલીને
ગોતીને લાવશે આ ભાઈ.
સ્રોત
- પુસ્તક : ગીતરાણી (પૃષ્ઠ ક્રમાંક 9)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945