રેખ્તા
હિન્દવી
સૂફીનામા
રાજસ્થાની
એજી જીવ! શાને કરે છે વિચાર, પ્રભુ છે સૌનો પાલનહાર,
પ્રભુ છે સૌનો પાલનહાર.
કીડીને કણ હાથીને મણ, દીનાનાથ દેનાર જી,
આ જીવના જન્મ પહેલાં, દૂધ કરેલાં તૈયાર... પ્રભુ૦
પક્ષી બિચારાં વન-વન ભટકે, ભટકે ઠારોઠાર જી,
કૃપાળુ કણ એને આપે, ક્રિપા-સિંધુ કિરતાર... પ્રભુ૦
અજગર બિચારો એક જ સ્થાને, સમાધિ લઈ પડનાર જી,
અંતરયામી એને આપે, આપે મુખમાં આહાર... પ્રભુ૦
'દાસ અમર' કહે રાખો ભરોસો, એક નામનો આધાર,
ખલકખાવિંદ ખબર ગોવિંદને અછતું નથી લગાર... પ્રભુ૦
સ્રોત
- પુસ્તક : સંતસુધા-૧ (પૃષ્ઠ ક્રમાંક 149)
- સંપાદક : જોરાવરસિંહ જાદવ
- પ્રકાશક : ગૂર્જર ગ્રંથરત્ન કાર્યાલય અમદાવાદ
- વર્ષ : 1989