હે રઘુવરજી ! આ અવસરમાં રાખોને લજ્જા મારી

હે રઘુવરજી ! આ અવસરમાં રાખોને લજ્જા મારી;

મને મહેર કરી, સેવક જાણી રાખો પાસ તમારી.

મને રામભક્ત સૌ કો’ કહે છે, પણ કામ ક્રોધ મદ ભારે છે,

મને લોભ મોહ અતિ દુઃખ દે છે. હે રઘુવરજી૦

મને અશન વ્યાસન નિંદા નેડો, મારાં પાપ તણો ના આવે છેડો;

મમતા મત્સર ન તજે કેડો. હે રઘુવરજી૦

મને દશે દિશે ઇન્દ્રિયો તાણે, ચિત્ત-બુદ્ધિ રહે નહિ ઠેકાણે;

કેમ ઊગરું હું આવે ટાણે? હે રઘુવરજી૦

તમે દીનબંધુ રઘુકુલમણિ, રખે અવગુણ આણો ઉર ભણી;

ક્ષણ દૃષ્ટિ કરો આ રંક ભણી. હે રઘુવરજી૦

હું તો કૈંક કર્મનો કરનારો, નથી ઊગરવાનો એકે આરો;

‘આશારામ’ કહે ભવજલ તારો. હે રઘુવરજી૦

He Raghuvar ji ! aa avasara ma rakhone lajja mari