રેખ્તા
હિન્દવી
સૂફીનામા
રાજસ્થાની
બોલ બોલ રે પ્રીતમ
Bol bol re pritam
ઉદયરત્ન
ઉદયરત્ન
બોલ બોલ રે પ્રીતમ મુજ શું બોલ મેલ આંટો રે;
પગલે પગલે પીડે મુજને, પ્રેમનો કાંટો રે. બોલ૦
રાજેમતી કહે છોડ છબીલા, મનની ગાંઠો રે;
જિહાં ગાંઠો તિહાં રસ નહિ, જિમ શેલડી સાંઠો રે. બોલ૦
નવ ભવનો મુને આપને નેમજી, નેહનો આંટો રે;
ધોયો કિમ ધોવાય યાદવજી, પ્રીતનો છાંટો રે. બોલ૦
નેમ રાજુલ બે મુગતિ પહોતાં, વિરહ નાઠો રે;
‘ઉદયરત્ન’ કહે આપને સ્વામી, ભવનો કાંઠો રે. બોલ૦
સ્રોત
- પુસ્તક : મધ્યકાલીન પદ સંચય (પૃષ્ઠ ક્રમાંક 55)
- સંપાદક : ચિમનલાલ ત્રિવેદી, રમણ સોની
- પ્રકાશક : ગૂર્જર ગ્રંથરત્ન કાર્યાલય
- વર્ષ : 1998