કેટલાંકને ગમે, કવિતા

કેટલાંકને ગમે કવિતા

કેટલાંકને –

બધાંને નહિ, બહુમતીનેય નહિ. લઘુમતીને. શાળાઓ ન ગણીએ,

(ત્યાં તો વાંચવી જ પડે)

અને કવિઓને પોતાને ન ગણીએ,

તો હજારે બે હશે.

ગમે –

એમ તો કોઈને ચિકન સૂપ ગમે, નૂડલ સાથે,

કોઈને ગમે પ્રશંસા અને ભૂરો રંગ,

કોઈને જૂનો સ્કાર્ફ,

કોઈને પોતાનો કક્કો ખરો કરવો ગમે,

કોઈને કૂતરો થપથપાવવો ગમે.

કવિતા –

પણ શું છે કવિતા

આ પ્રશ્નના ઘણા અવળસવળ ઉત્તરો અપાયા છે.

પણ હું જાણતી નથી અને હું જાણતી નથી અને અઢેલી રહું છું એને,

જાણે ટેકો આપતો કઠેરો હોય.

Ketlakne Game, Kavita