રેખ્તા
હિન્દવી
સૂફીનામા
રાજસ્થાની
વમળવનમાં
wamalawanman
જગદીશ જોશી
જગદીશ જોશી
હવાલા, હેવાલો, હરફર બધી સભ્ય-પદની,
સભાઓ, ચ્હેરાઓ, ખડખડ થતી તાળી મદની:
અને સિદ્ધાંતોની અદલીબદલી: વંધ્ય શમણાં:
કુટુંબે કાંતેલી સકળ કથની: સ્નેહ ભ્રમણા.
સહી છે કૈં કૈં મેં વમળવનમાં અંધ ઘૂમરી.
વછોડેલા સંગો, અઢળક પ્રસંગોની ડમરી.
સગાંઓ, મિત્રો કે જનમન તણી કે ગમ નથી:
મને છોડો છોડો નિયતિકૃત આ નિત્યક્રમથી.
તુવે હું પંપાળું પવનતુરગો કેરી પીઠને
અને લીલાં વૃક્ષો, સરવર તણી આર્દ્ર મીટને,
અહીં આંખો સામે શિખર, નભ ને મુક્ત વિહગ:
હવે હું મારાથી પળપળ થઈ જાઉં અલગ.
ત્યજીને વ્યક્તિનાં, વળી અહમનાં આક્રમણને
સજાવું મૂગેરાં અભરસભરાં સંક્રમણને.
(૧૬-૮-૧૯૭પ)
સ્રોત
- પુસ્તક : વમળનાં વન (પૃષ્ઠ ક્રમાંક 55)
- સર્જક : જગદીશ જોશી
- પ્રકાશક : વોરા એન્ડ કંપની
- વર્ષ : 1976