રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મિલન ક્ષણનું
milan kshananun
જશભાઈ કા. પટેલ
જશભાઈ કા. પટેલ
(શિખરિણી)
મને જોતાં તારું ઉર અનુભવે સ્પંદન, સખિ!
અચિંત્યું; મારાથી લગીર પણ તું જ્યાં છુપવવા
મથે ત્યાં, અંગાંગે પ્રતીત સઘળાં એ થઈ જતાં!
રસીલા ઓષ્ઠોએ સ્મિતમધ મીઠું જાય ઊભરી,
અને કંપી ઊઠે શરીર સઘળું સંભ્રમવતું;
મદીલાં તારાં કૈં નયન ઉરનાં બિમ્બ ઝીલતાં
ઊઠે નાચી, કિન્તુ પલકમહીં પાછાં સ્થિર થઈ,
જતાં લજ્જાભારે ધરતીશું જડાઈ બસ ત્યહીં!
ગમે જોવી કાયા લલિત તેજ એ સંભ્રમવતી
મને વારે વારે; મુજ હૃદયની ને શરીરની
સ્થિતિ જો કે તારા સરખી થતી તારા દરશને!
ભલે મારુંતારું મિલન ક્ષણનું, કિન્તુ જગવે
ઉરોર્મિ એવી કે મુજ હૃદયને ઉન્નત કરે!
સ્રોત
- પુસ્તક : પ્રત્યૂષ (પૃષ્ઠ ક્રમાંક 8)
- સર્જક : જશભાઈ પટેલ
- પ્રકાશક : ચારુતર પ્રકાશન
- વર્ષ : 2006