રેખ્તા
હિન્દવી
સૂફીનામા
રાજસ્થાની
રખેને
rakhene
ભોગીલાલ ગાંધી
ભોગીલાલ ગાંધી
રખેને ઝંખેલા પ્રણયમિલને થાય અવળું;
દબાવી તોફાની દરદ દિલ, બેળે સ્મિત કરી
સખી! મૂંગો બેઠો, તલ મુખ ભણી મીટ ભરીને
- અને ત્યાં એ મૌનસ્મિતમહીં થયું વ્યક્ત સઘળું!
રખેને વાંચ્છેલા મિલન રસરંગે ક્ષતિ પડે;
દબાવી દૈ ને હું ક્ષતહૃદયની આરત બધી
સખી! આઘે બેઠો, તવ કર રખે સ્પર્શું ભયમાં;
- અને એ બેઠાંમાં પ્રકટ થઈ અકળામણ ઊંડી,
રખેને આ છેલ્લી પ્રણય ઘડીએ કોક નગણી
ઘવાયા હૈયાની પ્રખરતમ જ્વાલા રહી રહી
ભભૂકી ઊઠે, ને તવ હૃદય બાળે અમસતું
ગણી, બેઠો મીંચી નયનદ્વય, માથું નત કરી;
- અરે! એ મીંચેલાં નયનયુગલે કહી દીધું બધુ!!
સ્રોત
- પુસ્તક : સાધના (પૃષ્ઠ ક્રમાંક 25)
- સર્જક : ભોગીલાલ ગાંધી ‘ઉપવાસી’
- પ્રકાશક : રમણલાલ પી સોની
- વર્ષ : 1944