Kalveg - Sonnet | RekhtaGujarati

(પૃથ્વી)

નહીં ગઈકાલનો સૂરજ આજ કામનો

નહીં ખપનો રહ્યો પૂનમચન્દ્ર, વાસી થયો!

વહ્યો સરસ વાયુ કાલ, વહી આજ તે ક્યાં ગયો?

ખીલ્યાં કુસુમ કાલનાં સકલ વ્યર્થ, આજે નથી!

ગયું બસ ગયું છે, ખપનું, ગયુ તે ગયું

ગયું ગયુંનો બધે બધ અપાર કોલાહલો

ઊઠે, ફરી ગયું, ગયું ગયું ગયું ગયું ગયું

ગયું ગયું, કશું ટકે નહીં, ગયું ગયું ગયું!

રહેતું નહીં, ના જરાય ટકતું કશું, ગયું!

સવેગ ધસતું, ધસે ટકતું અરે! ગયું!

જતું હજી ભળાય, ત્યાં ધસતું કશું ને જતું

જતું જતું, નહીં જરા અટકતું, જતું જતું!

નજીક કશુંક આવતું, ટકતું જરા ને જતું

જતું, જતું, જતું, જતું સકલ ચાલી વેગે જતું!

સ્રોત

  • પુસ્તક : કાલવેગ (પૃષ્ઠ ક્રમાંક 41)
  • સર્જક : ચન્દ્રકાન્ત ટોપીવાળા
  • પ્રકાશક : ઝેન ઓપસ, અમદાવાદ
  • વર્ષ : 2024