રેખ્તા
હિન્દવી
સૂફીનામા
રાજસ્થાની
પુનરાવર્તન
punrawartan
જશવંત લ. દેસાઈ
જશવંત લ. દેસાઈ
આજેય એ સ્મરણ શૈશવનું: પિતાજી
દાદા તણી છબિ વિશાળ કરે ગ્રહીને
ઊભા હતા લઘુક મેજ પરે, દીવાલે
લંબાવી હસ્ત છબિ ગોઠવી દીધ, શીર્ષ
નીચું નમ્યું, ચખથી મેાતીની સેર...ગેહે
વ્યાપી ગયો ઘડીક તો ઘન અંધકાર.
એ એ જ દૃશ્ય ફરી આજ, ન હો પરંતુ
જુદા, જૂની છિબ ખસી અવ પાર્શ્વ ખંડે
હું ગોઠવું છબિ પિતાજીની ખાલી સ્થાને
ભક્તિપૂર્ણ હૃદયે રહું વંદી તાત.
આ એ જ આંસુ નયને, ઉર એ જ ડૂમો
ને ઊંડી કો ગમગીની તણી એ જ છાંય.
બે દાયકા સરકતા ક્ષણ અર્ધમાં ને
હું જોઉં દૃશ્ય ફરી એ જ......
સ્રોત
- પુસ્તક : કાવ્યસંચય - 3 (પૃષ્ઠ ક્રમાંક 111)
- સંપાદક : રમણલાલ જોશી, જયન્ત પાઠક
- પ્રકાશક : ગુજરાતી સાહિત્ય પરિષદ
- વર્ષ : 1981