રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
બધું વેચી આવ્યો
badhun wechi aawyo
હરિકૃષ્ણ પાઠક
હરિકૃષ્ણ પાઠક
ફરી પાછો આજે ઘરવતનથી દૂર - સમણે
ચડ્યો ... ઝોકું આવ્યું: ખડખડ જતી વાટ; વચમાં
બપોરી વેળાનો ઝલમલ વિસામો ઠમકતો
પણે કૂવા-કાંઠો ઝટપટ ધરે લાજ, શરમે;
મને આવ્યો ભાળી. રણઝણ થતી ઝાલર વળી
કશી ગુંજે; શેરી દલદલ થકી જાય ઊઘડી.
પછી ચૌટું, ડેલી, ધમક, ફળિયું; ઓસરી મહીં
ઝગી ઊઠે દીવો, ખટક દઈને ખાટ પગની
હળુ ઠેસે હાલે. હરફર થતો શ્વાસ... હમણાં
મને ઘેરી લેશે ઘર ભર્યું ભર્યું.
-- જાઉં ઝબકી!
બધું વેચી આવ્યો. હવડ ઘરનું શું ય કરવું?
ન’તું ગામે કોઈ જણ મન જહીં સ્હેજ ધરપે.
નહીં ધંધો-પાણી ... ફરી ફરી કરું એ જ લવી.
સ્રોત
- પુસ્તક : ગુજરાતી સૉનેટ (પૃષ્ઠ ક્રમાંક 93)
- સંપાદક : ડૉ. મણિલાલ હ. પટેલ, ડૉ. દક્ષેશ ઠાકર
- પ્રકાશક : પાર્શ્વ પબ્લિકેશન
- વર્ષ : 2000