રેખ્તા
હિન્દવી
સૂફીનામા
રાજસ્થાની
શું જાણે વ્યાકરણી? વસ્તુને શું જાણે વ્યાકરણી?
મુખ પર્યંત ભર્યું ઘૃત તદપિ સ્વાદ ના જાણૈ બરણી. વસ્તુનેo
સુંદર રીતે શાક વઘાર્યું, ભોગ ન પામે ભરણી,
અંતર માંહે અગ્નિ વસે પણ આનંદ પામે ન અરણી. વસ્તુનેo
નિજ નાભિમાં કસ્તૂરી પણ હર્ષ ન પામે હરણી,
દયો કહે, ધન દાટ્યું ઘણું, જ્યમ ધનવંત કહાવે નિર્ધણી. વસ્તુનેo
સ્રોત
- પુસ્તક : દયારામનાં શ્રેષ્ઠ કાવ્યો (પૃષ્ઠ ક્રમાંક 61)
- સંપાદક : ધીરુ પારેખ
- પ્રકાશક : નવભારત સાહિત્ય મંદિર
- વર્ષ : 2010